Во насока на подобро интегрирање и инклузија на лицата со посебни потреби во општеството директорот Војислав Димитровски му овозможи на Александар да си го оствари својот сон и да стане дел од работниот тим на Лајка.

Во последниот ден од оваа година, Александар на своето ново работно место дојде заедно со своето куче Бен и се запозна со своите колеги кои го воведоа во неговите работни обврски.

Александар има големо срце и силна желба да придонесе во подобрување на благосостојбата и хуманиот третман на бездомните кучиња кои особено ги сака.

“Среќен сум што ми се даде шанса да работам во Лајка и што ќе можам да дадам личен придонес во работењето на претпријатието” вели Александар.

Подигнувањето на целокупната свест за овие социјално ранливи категории на луѓе, рушењето на стереотипите и можноста за нивно вработување се важен чекор за градење подобро општество за сите.

Се надеваме дека јавното претпријатие “Лајка” ќе биде пример за многу други институции и општествено одговорни компании за да го сторат истото.

Сметаме дека на ваков начин повеќе ќе може да се зборува за она што лицата со попреченост можат, а не за она што не можат да го направат.