Реагиравме телефонски и со допис до надлежната АХВ, но повторно базата е блокирана, со тоа што имаме повеќе од 20 записи кои не се внесени, и 20 внесени без ажурирани податоци. Се надеваме дека согласно погоре изнесените факти нема повторно да бидеме изложени на дополнителни инспекции и обвинувања дека не си ја вршиме нашата работа ажурно и согласно закон.

Ова е секојдневна пречка во нашето работење и навистина станува неподнослива и неприфатлива, со оглед на тоа што базата ни е фундаментален дел од нашето секојдневно работење . Сакаме да потсетиме дека со овој проблем се соочуваме од почетокот на нашето отварање – 14.10.2020 година, а првиот пристап во базата го добивме почетокот на март 2021 каде што ретроактивно деноноќно внесувавме сè што сме сработиле од самиот почеток.

Во очекување на решавање на проблемот со системот им се извинуваме на сите вдомувачи кои нетрпеливо очекуваат да ги вдомат своите крзнени пријателчиња и веруваме во добра понатамошна соработка со АХВ.

Се надеваме дека со овој проблем нема да ги обесхрабриме идните вдомувачи и дека и овој предизвик ќе биде само дополнителен мотив да ја продолжиме нашата мисија.

Ви благодариме за разбирањето.