Празничниот период е веројатно најстресното време за животните, особено за бездомните кучиња кои талкаат сами и незаштитени низ улиците.

Употребата на петарди и пиротехнички средства предизвикува не само физички повреди, туку и стрес, страв, психички шок, доживотни трауми и неретко смрт од срцев удар кај кучињата.

И оваа година ЈП Лајка пред почетокот на празничната сезона се вклучува со своја кампања против употреба на петарди и пиротехнички средства. Нашата цел е да ја подигнеме свеста кај граѓаните за опасноста на која сме изложени сите и да го свртиме вниманието кон превентивните мерки за заштита не само на бездомните кучиња, туку и на домашните миленици.

Во таа насока апелираме до сите граѓани да ја одбегнат употребата на петарди за лична и сечија безбедност.

Вашето неколку минутно “задоволство” за жал некого може да чини живот.