Да испрати меил на vdomi@lajka.com.mk, во кој ќе наведе за кое куче/кучиња е заинтересиран;

На неговата електронска пријава ќе добие повратно ПРАШАЛНИК за вдомување, коj ќе треба комплетно да го пополни и препрати назад на истата e-mail адреса.

(Некомплетно пополнетите прашалници нема да бидат земени во предвид);

Вработено лице во ЈП Лајка ќе направи евалуација на прашалникот и доколку се е во ред лицето ќе биде телефонски контактирано со цел да се закаже средба;

На средбата потенцијалниот вдомувач покрај тоа што ќе има прилика да оствари контакт со кучето за кое е заинтересиран, ќе ги добие сите потребни информации поврзани со него (возраст, пол, раса, карактеристики, здравствена состојба, информации за хуманиот третман низ кој што поминато, совети и препораки за полесна адаптација во новиот дом, грижа, исхрана и нега;

Потребно е да се остварат минимум две средби во прифатилиштето на Лајка пред да му биде дадено кучето за вдомување.

Во прифатилиштето има специјален (приемен) дел наменет за оваа практика каде што потенцијалните вдомувачи и кучињата ќе може да поминат време заедно. Просторот е опремен со реквизити за игра и дружење со кучињата.

Доколку вдомувачот е соодветен, истиот ќе потпише договор за вдомување со кој се уредува преносот на сопственоста, односно заведување на микрочипот во Информативниот систем на Агенцијата за храна и ветеринарство на име на вдомувачот.

Назначени вработени од прифатилиштето имаат обврска да го посетат или преку видеоврска да го контактираат вдомувачот со цел да се утврди дали го чува животното соодветно и во согласност со Законот за заштита и благосостојба на животните.

Секое вдомено куче и неговата среќна приказна ќе се објавува на социјалните медиуми, а со цел поттикнување на граѓаните да вдомуваат од ЈП Лајка, со што би се намалил бројот на бездомни кучиња на улица.