Во текот на вчерашниот ден, заедно со нашиот миленик Руди, ја посетивме приватната детска градинка „Малиот Принц“ – Скопје. 
Руди беше пречекан како вистински гостин – со вкусни бисквити, што со многу љубов ги подготвија дечињата, со подароци и со безброј нежни галења. Но најубавиот подарок беше вниманието, љубопитноста и љубовта што му ја подарија малите другарчиња. 
Преку оваа посета, дечињата имаа можност одблиску да се запознаат со Руди, да научат како правилно треба да му пристапат на куче, како да се однесуваат со него и зошто љубовта, грижата и почитта кон животните се толку важни уште од најмала возраст. 
Со вакви мали, но значајни средби, растат големи срца, срца полни со емпатија, добрина и љубов кон животните. 
Им благодариме на дечињата и тимот на „Малиот Принц“ за топлиот пречек, прекрасната енергија и љубовта што му ја подарија на Руди. Се надеваме дека ова е само почеток на едно убаво пријателство! 
